ياللي ملكتي من غلاك فوادي

ياللي ملكتـي مـن غـلاك فـوادي
من دون صك ومحكمه شرعيـه
ردي خـفــوقــي كـــــان ماتـبـغـيـنـه
ومانـيـب قـايـل فـيـه غـيـرك مـيـه
مافيـه غيـرك حـاز كـل اعجـابـي
مــن ساكـنـيـن الـكــوره الارضـيــه
يـافـتـنــةٍ تـمــشــي وانـــــا اراقـبــهــا
فيهـا الدلـع / والملـح / والحنـيـه
ان شفتهـا بالسـوق بيـن العـالـم
احـــس نـــارٍ فـــي خـفـوقـي حــيــه
نار اشتياق / ونار حب / وغيره
ولـغــيــرهــا مــشــاعـــري عـــاديــــه
رزه وكشختها على اخـر موضـه
ومـاتـلـبــس الا مــاركـــه غـربــيــه
عــــزي لـعــيــنٍ لـجـلـهــا سـهــرانــه
اسهـر واسامـر طيفـهـا الفجـريـه
وهــــي تـلاقـيـهـا بـسـابــع نــومـــه
مـرتـاحــةٍ مـاتـشـكـي الــلــي فــيــه
لــعـــل ابـــوهـــا وامـــهـــا بـالـجــنــه
ماقـصـروا معـهـا / وهــي لـوقـيـه
ماهـيـب تـطـلـب ودهـــم للـحـاجـه
وفــي بـرهـم مـاهـيـب تـنــوي نـيــه
لكـن عسـاهـا تـرحـم الـلـي هـايـم
فـيـهــا وســــوى لـجـلـهـا الـقـافـيـه