أي والله ان اسمك عن اسوار الحشى ماقد خرج ..

بسم الله الرحمن الرحيم






أبيات متواضعه اتمنى تحوز على رضاكم









أي والله اني في غيابك مثل مسجون الحديد ..
اللي حُكم بالظلم في غربه .. و لا جاه الفرج ..

عــشرة سنينٍ في يدينه قيد .. و اقدامه بقيد
ومبطي قدم ساقه على روض السعاده مادرج ..

واي والله ان حبــك على زود الجفى منّك .. يزيد
واي والله ان اسمك عن اسوار الحشى ماقد خرج ..

من قبل اعرفك .. في الضحى داله وفي الليله سعيد
واضحك مع العالم .. و آسيّر .. وآتمشّى .. وآهرج

واليــوم مثـل اللــي تــوفــى والــده في يــوم عيد ..
ولا مثل حال العـــويق اليا مشـــى قـــام يعـــرج ..

انشهد انك في الوصل تبخل وفـ احساسك بليد ..
و انشهد انك في الجفى تكرم و حدث لاحرج ..

ولا تحسب انك يا بعيد الدار .. عن عيني بعيد
ولا تحسب ان حبك مع فراج ولا مع فرج ..

اللي كسبته منك.. قمت انظم على شانك قصيد
واللي خسرته .. دمعي الفايح على خدي درج