ابو التطنيش والسحبة ..!!!

السلام عليكم ورحمة الله وبركاته

كم يسعدني أن أنال شرف التواجد بينكم في هذا الصرح الشامخ

وهذه مشاركة أولى -متواضعه- لي بالمنتدى واتمنى أن ترتقي لذوائقكم ..


أقول :


مـقــصــر فــ/الـرســايــل والـرســايــل تـكــشــف الـمـضــمــون
لـــــو ان الـقــلــب بـاعـمــاقــه كــــــلامٍ مــــــا يـــصـــرح بــــــه

واذا قــيــل الــغــرام فــنــون.. أقــــول إن الــغــرام عــيــون
تــشــوف الــحــب عــــاده غــيــر صـحـيــه وتـنـصــح بـــــه

يـهــز الـرمــش كـتـفــي والـتـفــت لــــه يالـحـبـيـب تــمــون!
ويقول آسف أحسبك صاحبً لي..من متى الصحبه؟!

وانـــا مـالــي ســـوى الـشـعــر الـعـفـيـف يـبـيّــح الـمـكـنـون
واذا عجزت حروفـي تشـرح ظروفـي ..وش اشـرح بـه؟

مـعــي وجــــهٍ كـئـيــب .. ودمعتين..وشاعـر(ن)مـغـبـون
ومـعــي حـــبٍ قـضــى كـــل الـغــرام ولا (قـضــى نـحـبـه)!

تـعــال ومـنـزلـك خـالــي وزد فـــوق الـطـعــون ..طــعــون
وذا شـالــك مـعــي ..واقـــف عـلــى بـابــك ..والــــوّح بــــه

مـعــك مـــوسٍ سـنـيـن إن جيـتـنـي بـــه طـالـبـك بـالـهـون
أخــافــك تــجـــرح يـديــنــك لـيــامــن جــيـــت تــجـــرح بـــــه!

تـحـســب إنــــي إذا مـاارسـلــت لــــك مـابـيــك يـامـجـنـون!
أو إنــي مـثـل مـاانـت تقـول: (أبـو التطنـيـش والسحـبـه)

وأنــــــا يـافـتــنــة الــعــاشــق أنــــــا يـالــعــاشــق الـمــفــتــون
مـسـكّـنــك الـخــفــوق الــلـــي تـمــشــى بــارضـــه الـرحــبــه

تــجــوَّل فــيــه بـلـحـالـك تــمــون ومـــــن ســـــواك يــمـــون
وإذا كـانــك تـعـبـت مـــن الـسـهـر والـبـعـد ..فــامــرح بــــه

وإذا كـانـك مـثـل غـيـرك أحــب ..أحــب.. و يغـيـبـووون
فـخـذ قلـبـك مــن ضلـوعـي مـثـل ماجـيـت بـــه ..رح بـــه

باغـسـل إيــدي مــن وصـالـك كــذا (بالـمـاء والصـابـون)
وبامـسـح طيـفـك الـلـي مـلـت عيـونـي وانــا اســـرح بـــه!

تـعـوّد مـثـلـي ان مـانـلـت شـــي ..أقـــول لـــه : مـمـنـون
(وأنــــا مـتـعــود أصــلــن مـاتـمـنـى شــــي وافــــرح بــــه)* !